അഡ്വ. ശ്രീജ ഏഴോം

ജീവിതവും എഴുത്തും

കണ്ണൂർ ജില്ലയിലെ ഏഴോം ഗ്രാമത്തിൽ ജനിച്ച അഡ്വ. ശ്രീജ ഏഴോം, അഭിഭാഷകവൃത്തിക്കൊപ്പം സാഹിത്യരചനയിലും സജീവമാണ്. ജീവിതപരിസരങ്ങളിൽനിന്നും മനുഷ്യബന്ധങ്ങളിൽനിന്നും അനുഭവങ്ങളിൽനിന്നും കഥകൾ കണ്ടെത്തുന്ന എഴുത്തുകാരി, നവമാധ്യമങ്ങളിലൂടെയും തന്റെ രചനകൾ വായനക്കാരുമായി പങ്കുവയ്ക്കുന്നു.

ഏഴോം ഗവ. മാപ്പിള യു.പി. സ്കൂൾ, മാടായി ഗവ. ഗേൾസ് ഹൈസ്കൂൾ, തലശ്ശേരി സെന്റർ ഫോർ ലീഗൽ സ്റ്റഡീസ് എന്നിവിടങ്ങളിലായിരുന്നു വിദ്യാഭ്യാസം. SASTHRA പഴയങ്ങാടിയിൽ അധ്യാപികയായും സാക്ഷരതാ മിഷൻ പ്രേരകായും പ്രവർത്തിച്ചിട്ടുണ്ട്.

ജൈനി, വേഷങ്ങൾ, കൈപ്പാടുകൾ എന്നീ കഥാസമാഹാരങ്ങളിലും ആലില എന്ന കവിതാസമാഹാരത്തിലും രചനകൾ പ്രസിദ്ധീകരിച്ചിട്ടുണ്ട്.

കോഴിക്കോട് കോടതിയിൽ അഭിഭാഷകയായി പ്രവർത്തിക്കുന്ന അവർ KSRTC Standing Counsel, Government Pleader, Forest Tribunal എന്നീ നിലകളിലും ചുമതലകൾ വഹിച്ചിട്ടുണ്ട്. കോഴിക്കോട് കൊമ്മേരി സർവീസ് സഹകരണ ബാങ്കിന്റെ ഡയറക്ടർ ബോർഡ് അംഗവുമാണ്.